Dadka badankoodu waxay leeyihiin hadafyo nololeed waqti dheer qaata – sida caafimaadka, iimaanka, iyo kobcinta maskaxda. Barnaamijkan waxa uu soconayaa 90 maalmood (3 bilood), wuxuuna ka kooban yahay 3 qaybood oo waaweyn:
1. Hadafka Ruuxiga ah (Spiritual Goal):
Ujeeddo: In la kobciyo iimaanka, noloshana la barakeeyo.
- Akhrinta Quraanka: 7 bog maalintii ama 3 maqro (xiddigood), si Quraanka loo dhammeeyo 80 maalmood gudahood. Jimcaha: suuratul Kahfi.
- Adkaar subax iyo galab: 5 xus maalintii – أذكار الصباح والمساء.
- Salaadda Jamaca: Ku dadaal salaadaha shanta waajib ah ee jamaca iyo wakhtigooda.
Waqti: 10–15 daqiiqo maalintii (marka laga reebo salaadaha).
2. Hadafka Waxbarasho (Learning Goal):
Ujeeddo: In qofku barto wax faa’iido leh.
- Luuqad: Barashada luuqad cusub.
- Xirfad: Barashada xirfad ama maado gooni ah.
- Akhris: 15 bog buug ah maalintii.
→ 90 maalmood = 1,350 bog → 6–9 buug, iyadoo ku xiran tirada bogagga buugga.
3. Hadafka Caafimaad (Health Goal):
Ujeeddo: In la helo caafimaad wanaagsan.
- Jimicsi: 30 daqiiqo maalintii.
- Sonkor: Yaree ama jooji sonkorta badan.
- Cunto: Cunto isku dheellitiran (Balanced Diet), yaree fadhiga badan iyo cunto xad-dhaaf ah.
---
Gunaanad:
Barnaamijkani waa fursad 90 maalmood ah oo aad naftaada ku horumarin karto ruux ahaan, maskax ahaan, iyo jidheed ahaan. Waa tartan adiga kula jira naftaada. Ka bilow maanta!
Fikraddu waxay ka timid dhiirrigelin nololeed iyo isbeddel joogto ah.
Maqaalkaan hoosana noloshaada wax badan ayuu ka bedeli donaa i.a:
0 Comments